عارفة… لو كان بيحبك بجد ؟!
عارفة… لو كان بيحبك بجد ؟!
عارفة …هو لو كان بيحبك بجد … كان عمل المستحيل علشانك
كان جه علي كرامته و قالت استنيني سنه / سنتين / خمسة وساب ليكي التفكير و الموافقة او الرفض
كان راح لأهلك و جه علي كبريائه الشامخ و قالهم انا مش هقدر اعيش من غيرها … انا بحبها و هحافظ عليها بجد … استحملوني سنه /سنتين / … وساب ليهم الرفض او الاجابة
اصله هيكون عنده أمل انهم ممكن يوافقوا … حتي لو أمل صغير
كان حاول علي الأقل يشوف رد فعلك لو قالك استنيه …
دي أقل حاجة لو كان شايف انك حياته بمعني الكلمة … مكنش اصلاً هيتخيل انك ممكن تكوني لحد غيره !!!
هو معملش أاااااااااااي حاجة من دي … غير انه قالك (( بحبك )) كلمة مش فعل !!!
حتي مكنش فاهم ان بحبك يعني هعمل علشانك المستحيل !
معملش أقل حاجة ممكن تتعمل … محاولش … محاولش !!!
يبقي مش يستاهل أصلاً دمعة من عينك … ده محاولش يعمل علشانك أي حاجة
صدقيني … كان هيعمل المستحيل أو علي الأقل كان عمل الممكن !
أنتي تستاهلي حد بيحبك بجد ويكون راجل عارف يعني ايه يكون مسؤل عن حبه ليكي …
و لا انتوا رأيكم ايه ؟!!
ليست هناك تعليقات